[center]
الأسرة , الاربعاء , السعودية , هههههههههههه
حال الأسرة السعودية في يوم الاربعاء هههههههههههه
الأسرة السعودية في يوم الاربعاء :23:
بالبداية نص رسايل جوالي من العصر : جب خبز .. جب زبده .. جب دريم ويب .. جب وجب.....؟!
وبعد المغرب يقلب البيت استاد الملك فهد
بزارين فوق الثلاجة
بزارين فوق الخزان
بزارين تحت السيارة
بزارين فوق التلفزيون
ستة يلعبون كوره وكل ما كسروا لمبه صاحووااا .. قزاز .. قزاز .. البسوا نعال
بزارين توهم يمشون كنهم بطاريق تلقاهم في كل مكان .. وكل شوي فاقدين واحد
ويدورونه
ودك تجيب لك كرتون تايد وتحطهم فيه وتفتح لهم فتحه يتنفسون معها .. وعلى سوق الحمام تبيعهم الواحد بخمسه ريال مع اخوه الصغير مجانا<=== مسوي لكم عرض بعد ههههههههههه
وكله كوم واذا جاك بزر يتفل ..
تسلم عليه ... يتفل
تهاوشه ....... يتفل
تطقه ......... يتفل
يروح لامه يصيح ... ويتفل عليها
لعنبوووه ما تخدرت براطمه ابدن من التفال
بس حليت مشكلته وبديت أحط له زنجبيل .. ومن عقبها ضبطت وزنية الدينمو حقه :>
صار قبل لا يتفل يسأل .. عندك زنجبيل وإلا خلص ؟؟!؟ <~ ناوي يتفل بس لابد يتأكد قبل
والا اذا جاك ثنين اخوان يتلاعنون ..
الاول يلعن ابووك ..
ويرد الثاني يلعن ابووك انت
وكلهم ابوهم واحد خخخخخآي
والا اذا شفت لك عيال مجتمعين على مقطع جوال مع واحد منهم واذا شافوك .. ماتشوف الا غبرتهم ونعال تطاير ...
لابووكم عيال دشييييير
واذا دخلت للبيت .. يبدا استقبال الشكاوي << اخص يا صاحب السمو الحــركي
اولا المبزره :
-شف هذا يطقني
-تعال علق ذا وطق الحلوف عادي << يمين الغموس هو اللي ماشي سوقه
ثانيا الحريم :
شف فلان تراه سوا كذا وكذا .. وذاك يقعد يصيييح خايف
والا وحده من خالاتك والا عماتك تأكل ولدها وهو ما وده ياكل وتقوولك تعال شفه ما ياكل << وش دخل امي انا
ذا الوقت تهيض <<<< تحس انك جلاد البيت
والا سبع البرومبه
والابو قاعد في المجلس وجادع الشماغ
وييصارخ ... حطوووو العشاااااااا
وبعد العشا
رز في كل مكان في البيت
حتى مخابيك تلقى فيها رز
ههههههههههههههههههههههههههههههههههههههههههههههه >:22:
اتمنى تعجبكم
تحياتي للجميع
الإثنين أكتوبر 24, 2011 11:44 pm
